یاشار ایله ائلمیرا ائولیدیر و بیر آپارتماندا ایجاره اوتورورلار. آپارتمانلاری چوخ کؤهنه و ایمکاناتسیزدیر. بیر کیچیک زلزله گلسه ائولری باشلارینا ییخیلار. آپارتمانین باخچاسی توز تورپاق ایچینده‌دیر. آپارتمانین تاسیسات سورونو واردیر، هر گون بیر یئردن لوله پاتلاییر و ائولری سو باسیر. هاممی بو ائودن یورولوب و داها گوزل بیر ائوده یاشاماق ایستییر.
ائو صاحیبلری آپارتمانی یخیب یئرینه یئنی و گؤزل بیر آپارتمان تیکمک ایستییرلر، آما ایجازه وئریلمیر. ائو صاحبلری اونا قارشی ائیلم و تظاهوراتا چیخیب حاقلارینی استییرلر.
یاشار دئییر: بیز ده بو آپارتماندا اوتوروروق، بیر زلزله گلسه بیز ده اؤله‌جه‌ییک، بیز ده بو چامورلو و چوروموش ائوده چتینلیک چکیریک، هر گون لوله‌لر پاتلاییر بیزیم ده ائویمیزی سو باسیر. اونا گؤره، بیز ده ائو صاحبلرینه قاتیلیب، تظاهورات ائدیب بو ائوین ییخیلماسینی و یئرینه داها ساغلام ائو تیکیلمه‌سینی ایسته‌مه‌لییک.
ائلمیرا دئییر: بیز بورانین صاحیبی دییلیک، بوراسی ییخیلسا، دوزلمه‌سی لاپ آز 2 ایل چکر، بو ایکی ایل بیز آوارا اولاجاییق، دوزلدیکدن سونرا دا هئچ بیزیم اوتورماغیمیزا ایجازه وئرجکلر می؟ بیلمیریک. بو آپارتمانین بئله‌سی فلاکت دورمودا اولماغی بیزیم اوچون بیر فرصت‌دیر، ایندی بوتون گوجوموزو توپلاییب بو ائوی آلابیلیریک. آما بو آپارتمان یئنی‌لن‌سه هم بونو آلماق چوخ چتین اولاجاق، هم ده بورانی بیر داها بیزه وئرمزلر، وئرسه‌لر ده داها باهالی و چتین شرط‌لر ایله وئرللر. بیز ائو صاحیب‌لرینین پئشیندن گئتمک یئرینه اؤزوموز اوچون وار گوجوموزو قویوب بو ائوی آلیب، اؤز ائویمیزین صاحیبی اولمالییق.
Bir yanıt yazın